حنظل

هذا عملاق آخر يرحل

وننطر رحيله عشان تتقدم الإقتراحات اللي يقول ستوديو بإسمه واللي يقول مسرح

اي مو كرموه بحياته خل يشوف التقدير

عملاق آخر رحل من دون قاعة مسرح محترمه

أو ستوديو مجهز

كاهم نجوم درب الزلق يروحون واحد ورا الثاني النمش والنفيسي والمفيدي ولم يبقى سوى حسينوه وسعد

خل يشوفون شي قبل لا ننعاهم

خل يحسون بدورهم وإنهم قدموا شي بالبلد

خل يتكرمون بمسرح مثل مسرح قصر بيان

اللي موجود للاستخدام مرة بالسنة

اي على فكرة تدرون ان مسرح الدسمة ممنوع عليه عرض اي مسرحية طوال السنة لأن محجوز للمهرجانات بس

مع العلم ان المهرجانات اجمالي مدتها اقل من شهر بالسنة؟؟

هذا حنظل يرحل وأعماله تبقى والحزن بالنبرات والعيون على عملاق آخر لم يكرم في حياته

آخر شي معلومة وسؤال

الراحل علي المفيدي كان اهوا الممثل الأساسي في باي باي لندن بعدين لظروف معينة ما ادري شنو اهيا تم الإستعانة بمحمد جابر

حتى صوته بأغنية من أغاني المسرحية واضح

بالدقيقة ستة و تسعة وثلاثين ثانية تحديدا

والسؤال شنو أحلى دور حبيتوه حق المفيدي؟

وشنو أكثر مشهد تحبونه له؟

أنا من ناحيتي دوره بحامي الديار من أفضل ادواره برايي

وخصوصا هالمشهد بدءا من الدقيقة الخامسة

باقر صاج

تحديث
::::::::::::::::
تم إلغاء ندوة التحالف بسبب الأوضاع المحلية
وما زال تحفظي قائم
:::::::::::::::

أندية التكتل بقيادة أبناء الشهيد الوحيد تسبب في وقف النشاط الكروي بالكويت

كانت حجتهم بمعارضة قوانين الدولة ان ما يبون يتوقف النشاط الرياضي بالكويت؟؟

الحين توقف النشاط يعني خاربه خاربه، شرايكم تلتزمون بقوانين الدوله ونشوف الفيفا ترد نشاطنا ولا لأ

عالعموم باجر الأثنين في ندوة الساعة سبع ونص بالنزهة بمقر التحالف بعنوان من المسؤول تتكلم عن الايقاف الكروي

يحاضر فيها الصقر والراشد والعبدالجادر و الصرعاوي وجهاد الغربللي وعبدالله الطريجي

وأنا أسجل تحفظي على عدم دعوة أي عضو من أعضاء لجنة الشباب والرياضة غير مرزوق الغانم اللي اعتذر مثل ما قريت بأم صدّه

وأقصد تحديدا صالح الملا وأتمنى أن ما يكون السبب تبادل التصريحات بين صالح والتحالف مؤخرا

أتمنى تدارك الخطأ ودعوة صالح للندوة بحكم ان شخص مختص بهالشأن وهم ولدنا ومنّا وفينا

أبي سؤال الحين صار لي جم شهر احلم اصير دانة مليونيرة الدانة

الحين في سحب من بنك الخليج على الدانة ولا بنمشي على الدانة؟؟

بس الظاهر رصيدي راح يكون حب الناس
شرايكم بكلام المشاهير

باقر وكل لحية كويتية هاليومين تقول ان سبب المصائب الملية بالعالم و بالكويت تحديدا اللعنة الإلهية
انزين

عندنا 1207 مسيد وطبعا هذا غير الحسينيات

وعندنا بكل منطقة أكثر من جمعية خيرية ودار تحفيظ قرآن

وعندنا 30 نائب ملتحي

وعندنا 3 وزراء ملتحين

وعندنا مدرسة اسمها المعهد الديني تدرس الراغبين من المتوسطة

وعندنا كلية شريعة

وعندنا مقرر الزامي من اولى ابتدائي ليما آخر سنة ثانوي اسمها تربية اسلامية

وعندنا مقرر شبه الزامي بالجامعة والتطبيقي اسمه ثقافة اسلامية

وعندنا لجنة عليا لإستكمال احكام الشريعة

وعندنا لجنة ظواهر دخيلة

وعندنا ثوابت الامة وحدس والوفاق والعدالة والسلام والسلف والسلف العلمي وجمعية الثقافة وغيرهم

وعندنا قناة العفاسي والأنوار

وعندنا بيت التمويل بنك اسلامي والبنك الدولي وأظن بوبيان بعد

وعندنا شورت اسلامي وعندنا مايوه اسلامي وعندنا مليون حملة حج وعمرة وعتبات مقدسة

وعندنا باربي اسلامية اظن اسمها فلّه

وعندنا شارع مكتبات اسلامية بحولي وشارع ثاني ببنيد القار

وعندنا مسابقة تحفيظ قرآن سنوية

وعندنا اتحاد طلبة بالجامعة ماسكينه ملتحين

وعندنا اتحاد طلبة تطبيقي هم ماسكينه ملتحين

وعندنا كلية العلوم والآداب والعلوم الاجتماعية والشريعة والحقوق والتربية ماسكينها ملتحين

وعندنا جمعية معلمين هم مالت ملتحين

وعندنا شارع باسم حسن البنا مؤسس الاخوان

وشوارع باسم قادة المسلمين على مر التاريخ

وشارع المسجد الاقصى بعد

وعندنا كل الجمعيات التعاونية تسوي رحلات عمرة وحج

وعندنا كتاب بالجرايد نصهم اذا مو اكثر ملتحين

وعندنا جريدة سلفية وثانية مالت الاخوان

وعندنا بهلا فبراير مهرجان انشادي

وعندنا فصل اختلاط
وقانون لباس مناسب

ومحلات العبي تارسه المهلب والمنشر وسوق الكويت

وعندنا مشاري العفاسي اشهر من ناصر المحمد

وينزل اشرطته بالنظائر بعد

وعندنا باسم الكربلائي اشهر من بدر الدويلة

وفوق كل هذا عندنا ناس مثل المهري وهايف

وعندنا فراس الخطيب بعد يلبس هليهوب ويلعب كرة

كل هذا ويقولون لعنة الهية؟؟

ابي لو كنا زنادقة جان شصار فينا؟؟

مو فاهمين

مدونة يديدة ينقال لها كويتي خايف زوروها

ورؤيتها بالموضوع الأخير مطابقة لرؤيتي بهالخصوص

المواضيع وايد والوقت قصير

ودي اكتب عن امور وايد بس ظروف العمل تمنع

لكن في مهم وفي أهم

والأهم بالنسبة لي موضوع لظس
أختلف بموضوعي هذا مع ربعي نيو وسرحان

وهذا الحلو بتيارنا ان مو لازم نتفق براي واحد او احد يملي علينا اوامره

التيار الوطني او المدني او الليبرالي او اي مسمى ثاني

من اكثر التيارات المنتقدة بالكويت

ومو بس انتقاد

ساعات توصل لي مرحلة السب

ومع كل التكفير والإنتقاد والسب

إلا ان لما احد يبي يتكلم عن حماة الدستور

على طول يلتفت حق أحمد السعدون والتيار المدني او الوطني او الليبرالي

لان الناس صار ربطهم بين الدستور والتيار الوطني ارتباط وثيق

فالتيار الوطني بشكل خاص يعتبر اهوا الدرع الاول للدستور الكويتي وتطبيقه

على سبيل المثال لا الحصر

التيار الوطني اهوا اللي تصدر دعم المرأة إنطلاقا من مبدأ دستوري اللي اهوا المساواة

واهوا اللي رفض الاختلاط انطلاقا من نفس المنطلق الدستوري

واهوا اللي رفض منع اليوتيوب ومصادرة الكتب والرقابة التعسفية وغيرها وغيرها من امور كان التيار الوطني بالصدارة ي الدفاع عنها والسبب اهوا الدستور

يعني على الرغم من ان بعض القضايا كانت تتسبب بخسارتهم الا انهم ما كانوا يهتمون بهالشي لايمانهم بمبدأ وقضية

وهذا اللي خلّاهم يتميزون ويصنفون كحماة للدستور

إلى الآن كل شي تمام

لكن اللي صار من صالح وعلي ودخولهم للجنة الظواهر السلبية يعتبر من أكبر الظواهر السلبية على التيار المدني

ليش يا دانه، أهما أكيد فكرتهم كانت ان يتغلغلون داخل هاللجنة عشان ما تخوره؟

أدري إن هذي فكرتهم وأدري ان النية طيبة وسليمة
لكن النية بروحها ما تكفي

ما تسائلوا صالح وعلي واللي مأيدينهم ليش التيار الملتحي فتح لهم المجال بدخول اللجنة

لا وبالتزكية بعد؟؟

يعني القوى اللي قدرت تطلع السعدون من اللجنة المالية ما كانت تقدر تمنع الملا والراشد من لظس؟؟؟

طبعا كانت تقدر بس اهما تعمدوا ادخالهم

يعني كان دخول علي وصالح للظس خبر مفرح للتيار الملتحي

شلون يا دانه ما فهمنا؟

قلت لكم بالبداية ان التيار المدني يعتبر اهوا الممثل الرئيس والمدافع الأساسي عن الدستور

عدل؟

من جانبه، بين النائب صالح الملا سبب رفضه وجود اللجنة قائلا «صحيح اللجنة ليست حديثة العهد، ولكنني لا أتحمل وزر من انتهز الفرصة للاعتراض ولم يعترضوا، وأنا شخصيا أقسمت على أن احترم الوطن والدستور، لذا فأنا أعتقد أن هذه اللجنة افترت على صلاحيات مجلس الأمة وانتهكت المادة 50 وجميع المواد المتعلقة بالحريات العامة

هذا كلام صالح الملا في نهاية يونيو اللي طاف من 4 شهور يعني

كلام صالح والراشد والتيار المدني بشكل عام كان ينادي بعدم دستورية اللجنة

وهذا الكلام نجح بالأوساط المتابعة لترسيخ عدم دستورية اللجنة

واليوم الراشد وصالح أضفوا الصبغة الدستورية على لظس بمجرد موافقتهم على المشاركة فيها!!؟؟؟

هذا معناته ان التيار الملتحي وتيارات الفساد ضربت عصفورين بحجر

الأول ان عطت الصبغة القانونية والدستورية للجنة بحكم ان اللي دخلوها من المدافعين عن الدستور

والثاني انها اوقعت التيار المدني العدو اللدود لتيار الملتحين وتيارات الفساد في مطب التناقض قصير المدى

يعني حتى الراي العام الكويتي ما مداه ينسى موقف التيار الوطني من لظس قبل اشهر ولغاية اول امس

ارجع واقول ادري ان النوايا طيبة

وادري ان فكرة علي وصالح انهم يحكرون اشكال هايف ويمنعونهم من الخرابيط اللي يسوونها باللجنة

بس ليش ما استمريتوا بالرفض الى ان تلغى هاللجنة بدال لا تدشونها

للأسف برايي الشخصي وممكن اكون غلطانه

لكن اللي سواه علي ومعاه صالح ينم عن عدم فهم كبير منهم عن مفهوم معارضة التعدي على الدستور

وكان يفترض يستشيرون احد قبل لا يقدمون على هالخطوة

وهذا نبيل العوضي المسلم الوحيد بالكويت شوفوا شنو كاتب اليوم

فلتذهب اللجان الى الجحيم بل حتى اللجان الاخرى لم تجد بعضها من يملأ مقاعدها ويكمل نصابها، حتى اضطر النائبان الفاضلان (صلاح الملا) و(علي الراشد) الى ملء مقاعد (لجنة الظواهر السلبية) انقاذا منهما لهذه اللجنة التي تبرأ منها المتدينون قبل غيرهم

بعد ما كان نضالنا من اجل الدستور وتطبيقه يستمر لمدة اربعين سنة صار النضال ما يدوم لاكثر من 4 شهور؟؟؟؟

مقال عبداللطيف الدعيج اليوم يتعلق بنفس الموضوع

ويعطيني الف عافية

:)

برشامه

قبل لما كنا نلعب مونوبولي الصجية مو مونوبولي هالايام

وأقصد بالصجية ان كانت المناطق البريطانية يعني بارك لين أو وايت هول او بيكاديللي

ومحطات القطار وهالسوالف

مو مونوبولي هالايام اللي فيها حي العزيزية ويعطونك مادري جم ريال أو درهم

وتخيلوا مونوبولي كويتية تلقون الضاحية اهيا المنطقة اللي قبل نقطة البداية

ولما نروح حق صندوق الجماعة يقول لنا مبروك تم اسقاط القروض

او منطقة موقع جامعة الكويت بنات وبعدها باربع مناطق موقع جامعة الكويت شباب

او يطلع لكم بدال محطة القطار باص 38 وغيره وغيرها من سوالف

تهقون طولت السالفة وما دشيت بالموضوع

:)

المهم اقول لكم قبل

كنا لما نبي نطول اللعبة وايد وما نبيها تخلص لي فلّس أحد وإحنا قاعد نلعب

وطب بمنطقة حاطين فيها احنا مليون فندق مع ان ما يصير الا فندق واحد

ونبي نطول اللعبة

نطوفها لهم وما ناخذ منهم فلوس

او حتى نسلفهم ساعات

او تلاقون المفلس فينا دمعته بعينه واهوا يطالع صاحبة المنطقة ويقول تكفين طوفي لي هالمرة

ونطوف على ابو ان وناسة ونستهبل على قوانين اللعبة

وكبرنا ودشينا المدارس ومن اول حصص الدين يقولون لنا

من غشّنا فليس منّا

وحرام وما يجوز

ومع هذا تلاقون اللي يايب مدرس المادة وشاري منه الامتحان واللي مسوي برشامه اطول من الكتاب

واللي يلبس نظارة يوم الامتحان بس عشان يشوف ورقة اللي يمه

لا وكان في حركة يمكن ليما الحين موجوده

اللي يبرشم على القلم اللي يكتب فيه؟؟

انا افتكر لو دارس المنهج احسن من معاناة كتابة المنهج على قلم

وهذا التبرشم والغش على الرغم من تحريمه من اول حصة دين

الا ان كنا نشوف المنقبه والمتحجبة والسفور والملتحي أو اللي قاعد يتل شعر ويهه عشان تطلع له لحية وام نفنوف طويل وابو بنطلون قصير

واللي مسوي تمليس وغيرهم كلهم يجتمعون على البراشيم وطايحين له

يعني بالضبط نفس حب اليمنيين للقات

انزين مايصير حرام؟؟

ولا رادين على الحلال والحرام الربع وليما الجامعة نفس السالفة

اللي تلبس الحجاب ومطلعه اذونها ورقبتها وشعرها بس يوم الإمتحان تلبس حجاب مسكر من كل مكان عشان ما يبين الهاند فري

واللي كل يوم سبايكي يدش بس يوم الإمتحان مغتّر لا وشوي ويتلثم عشان الهاند فري

بعدين طلع البلوتوث وصار الغش من خلاله

وصارت معانا مرة وحده تبي تغش جواب بس طلعت دازه حق الدكتوره المسج

:)

الزبده شنو من هالهذره كلها

مع ان موضوع اليوم كان وايد مختلف

بس اللي صار خلاني اغير الموضوع

الزبده ان باليمن مع ان المخدرات مجرّمه قانونا ومحرّمه شرعا بعد

الا انهم يحللون القات

بإختصار لأن ما يقدرون يهدونه

فيولي القانون ويتحايلون عليه عشان ما يستغنون عن اللي يحبونه

والظاهر ربعنا عاجبهم مثال اليمن وايد فشصار؟؟

الرئيس ناصر الدويلة أخو الوزير بدر واخو منا قابضة
وعلي الهاجري مقرر اللجنة ودكتور بعد
واحمد المليفي المحامي والدستوري
وعبدالله الرومي المحامي والدستوري
وعبداللطيف العميري
ومحمد هايف المطيري
ومحمد سليمان الرشيدي الدكتور وتوني ادري ان عندنا نائب بهالإسم

هذيل اعضاء اللجنة التشريعية بالمجلس

قرروا يخلون البرشامه وتحليلها قانون رسمي

وقرروا اليوم من خلال لجنتهم اللي يخلص دورها بعد جم يوم

ان يلغون تجريم الفرعية؟؟؟

يعني الفرعية باختصار اهيا تصفيات بين قبيلة او عائلة او طائفة قبل الانتخابات الرسمية

يعني تلغي مبدأ التكافؤ خير شر

ويون اللي مفترض انهم

حماة الدستور و اللي حالفين على احترامه

ويذبحونه اشكره ويتغاضون عن هالغش

مثل تغاضي الطلبة وتعاملهم مع البرشامة

المليفي والرومي بالذات يفترض تصريح يعلن رفضهم لهذي المهزلة

واللي بيتحجج بالعادات والتقاليد

وان هالتصفيات من عاداتنا

نقول ترى حتى وأد البنات كان عاده

وحتى زواج البنت من ولد عمها غصب كان عاده ويمكن ليما الحين

بس مو كل عاده وتقليد يعني صح

خربتوا البلد ودمرتوها والغيتوا فيها دعامات المجتمع

العدل والمساواة

البراشيم مخالفة للقانون
والغش مخالف للقانون
والفرعية جريمة بحق الكويت
حسبي الله عليكم

ليش تحب التحالف؟؟

على طاري موضوع فريج سعود عن الأخطاء التسويقية

عندنا شركة اتصالات يديدة ثالثة

اسمها

Viva

المشكلة ان اسمها مكتوب بحرف مو موجود باللغة العربية

يعني العبقري اللي اقترح هالاسم والعباقرة اللي وافقوا عليه ما فكر,ا اللي يبي يدز كتاب لهم شنو يسوي

اذا بيكتبها فيفا تغير اسم الجهة تماما

ولا شرايج يا سعيدة يا اخت سعود؟؟

أيام الإنتخابات بالمجلس حط لحية ولما سأله الوشيحي ليش حطيت اللحية في اشارة واضحة ان هل انت حاطها عشان الاصوات

قال لأ أمي قالت لي حلوة عليك فحطيتها وثبت عليها

لكن اليوم

شنو أمك هونت ولا إنت هونت عن الإنتخابات؟؟


الفنانة ام شعر احمر بالخراز واللي بيكسب فيها أجر بوغازي بالتنديل تتفرغ لكتابة نص تلفزيوني عن حياتها الشخصية والفنية

وماكو بحياتها الفنية الا مسلسلين معروفين

عيل حياة الفهد شتسوي بهالحالة؟؟

اللي يضحك ان النص التلفزيوني اللي يتكلم عن حياتها فكرة مراودتها من فترة مو قصيرة

يعني عادي قبل لا تمثل الخرّاز

عن شنو بتتكلم مادري

يعني بتقول شلون صارت كومبارس؟؟؟

وليش محّد قال لي إن الكاميرات بالشوارع قلبوهم وصاروا يصورون السيارة من ورا؟؟

سألت سؤال قبل فترة ليش تكره التحالف

وقريت ردود حلوة وبدون سب

وكان في ملاحظة من بعض المعلقين على كلمة تكره

وقالوا انها كلمة غير مناسبة

وانا اقتنعت بكلامهم

واليوم بسأل سؤال ثاني عشان بعدها اكتب موضوع عن التحالف
ومن باب اني بعاند بستخدم كلمة تحب
:p

يا شمعه يا منوّم

صار لهم 30 سنة بقيادة ظلامية وعاجل مستانس الوسط رجع ثالث؟؟

وصالح والتحالف قاعدين يتهاوشون بعد

أبي يا شمعه تنوّر يا حبّه تنوّم

سنة كاملة عشان يطيحون 20 دينار

سعود بوحمد أو حامل تلفون بوفهد إن صح التعبير

نازل إنتخابات نادي القادسية مع الأسد طلال الفهد طبعا

المهم كتب مقالين بالراي الأول قال فيه

وهذا كان بداية المنافسة الشريفة داخل النادي حتى العام 1969 عندما بدأ الخلاف يدب في أروقة القادسية بعد دخول إحدى القبائل بقوة إلى نادينا!هذا التدخل كان دخيلاً علينا، إلى أن جاء الشهيد فهد الأحمد في العام 1970 وأنهى جميع الخلافات

يقول قبيلة دشت سنة 1969 والأحمد الفهد فاز سنة 70 تهقون منو دخّل الفئة الدخيلة

المهم شبّوا عليه الناس فرد وصرّح بالراي اليوم

انه قصد في مقاله السابق الذي نشر يوم الاحد الماضي تحت عنوان «انتخابات القادسية» ان المعني من القبائل التي دخلت النادي في الستينات هي قبيلة «مطير» التي ينتمي هو اليها عن طريق جدته لوالده

يعني يقول عن قبيلته عن طريق يدّة أبوه ان اهيا اللي خربّت النادي

الظاهر ماكل خوووش زفّة من صاحب التلفون اللي خلته يطعن باهله

واشار بوحمد بأنه لايحب ان يجادل كثيرا في هذا الموضوع، مؤكدا ان البداح نفسه كان من اشد المعترضين وقتها على دخول ابناء هذه القبيلة المحترمة إلى النادي وهذه حقيقة ثابتة يعرفها ابناء النادي

الحين ما فهمنا القبيلة اللي دشت زينه ولا مو زينة؟؟؟

وللتاريخ ايضا اقول انه في العام 1965 وكنا وقتها اشبالا في النادي، طلبوا منا ارتداء فانلات القادسية لدعم قائمة الدكتور أحمد الخطيب في انتخابات مجلس الامة وكنا وقتها صغار السن لانفهم ابعاد هذا الموضوع

يا ليتك طول عمرك صغير بالسن ولا هالخواره اللي سويتها بعمرك الحين

يالله لا تبلينا

المسيحين إحترموا قانون الديرة وراهبهم ساعد بالإزالة

والمسلم صاحب ديوان جبلة أحظر مولدات كهربائية وإستمر في فتح المقهى غير مهتم بالإنذار

أبي بالنسبة لمطقوق تهقون متى بيسوي سحب على أسئلته

مطقوق ترى صج مصختها

خنشوف نبيل العوضي او الشيخ نبيل كما يدعي

يقول بمقاله امس

أثبت شهر رمضان بما لا يدع مجالا للشك أن الاغلبية الساحقة من الشعب الكويتي هي المحافظة والمتدينة وان القلة القليلة هي (المتحررة)المنفلتة)، ويكفي دليلا على هذا امتلاء المساجد في العشر الاواخر بمئات الآلاف من المصلين، والتزام الغالبية العظمى بالصيام وقراءة القرآن والصدقات وعمل الخير، بل ان اعداد المعتمرين في شهر رمضان على الرغم من الزحام الشديد في الحرم اعدادهم فاقت التصورات

ترى المسلم واجب عليه الصلاة والصيام والكويت اكثر من 99% من سكانها الكويتيين مسلمين يعني السالفة مو سالفة محافظ او ليبرالي
الدين غير والخط الفكري غير

بس ودي اعرف الاعداد المعتمرة اللي فاقت التصورات شكثر ولا بس كلمة وقلتها ايها الصادق
وغير جذيه هل في ناس منهم مطنشين دواماتهم ورايحين العمرة؟؟

لكن المصيبة ليست في هؤلاء المراهقين هنا وهناك فأغلبهم صغار في السن والعقل، بل المصيبة فيمن يروج هذه الايام ان هذه الاعمال الصبيانية والتحرشات الجنسية والتصرفات الفاضحة جاءت نتيجة (الكبت)!! بل زاد بعض (الليبراليين) خياله الواسع فاتهم الصحوة الدينية ودروس الوعظ والارشاد بأنها وراء هذه (التحرشات الجنسية) والاعمال المحرمة شرعا وعقلا

نبيل انت ما كنت بالكويت وقتها ادري بس اسأل ربعك الكويتيين من ذاك الوقت ايام السبعينيات والستينيات يعني قبل الصحوة الدينية على حد تعبيرك

لما صباح او ناهد شريف او حليم او غيرهم كانوا يون الكويت هل كان يصير اللي يصير اليوم

إسأل الكويتيين القدّم وتعرف

شوفوا معاي بعض عبارات مقالة هالشيخ

احد (عجائز) الليبرالية - عيب عليك يا شايب

هذي معاير بكبر السن ولا يجوز شرعا التنابز

بعض السفهاء

وهذي سبّه

والسب هم ما يجوز

الى الآن ميت على لقطات التقبيل والجنس

وهذي يا سوء ظن يا قذف وهم ما يجوزون

ويقول شيخ دين

تخسي انت تتكلم عن الدين

أما اللي ياب لي هالصورتين يا ان يحبني وايد يا انه يكره الوطن وايد

خنشوف الحين سوالف إتحاد الطلبة بقيادة الخونة

مقابلين رئيس اتحاد الطلبة اليوم الثلاثاء بالرؤية

يسئلونه شنو انجازات الإتحاد خلال سنة كاملة

يعني 365 يوم

اول مرة ما يجاوب اشكره مفتشل من الإجابة

جان يحن عليه الصحفي شنو انجازاتكم

يقول الغينا رسوم التسجيل!!؟؟؟

علما بأن رسوم التسجيل 10 دنانير بكل فصل دراسي يعني 20 دينار اجمالي السنة

يعني اتحاد الطلبة بقيادة الخونة انجز الصراحة خوش انجاز

الانجاز توفير مبلغ 55 فلس يوميا على الطالب الجامعي

يعيطيكم العافية الصراحة

لا ويسئله الصحفي ليش اتحدتوا مع السلف يقول توحيد الصف الإسلامي

ابي بالنسبة للصهاينة
المستقلة والوسط والاسلامية وغيرهم

شنو يعني مالكم نية رد

واليوم رئيس قائمة الخونة يقول راح نحصل 6000 صوت يعني الفرق بيصير 4000 صوت عن المركز الثاني

واصحاب المركز الثاني اهما المستقلة

شوفوا شيقول رئيس المستقلة بابواب

والله ما أقول إلا ياللعجب منك

بيفوزون عليه بفرق 4000 ويقول النصر اقترب

مادري ليش قيادات الطلبة معجبة بالزير سالم وايد

ترى 40 سنة وما فاز الزير

والظاهر ماخذينه قدوة

خلكم على عماكم

أول ما بغيت أكتب كان عندي موضوعين ببالي

موضوع المدونات والوزير الغنيم وحجبها وخرابيطه المعتاده

لقيت موضوع بالأمة أكثر من روعه بهالخصوص

فلقيت الموضوع الثاني اللي شايفته من الخميس بس قلت خل اريح بعطلة العيد وبعدها اكتب

الموضوع اهوا

حق اللي ما يعرف نشرح شوي

انتخابات اتحاد الطلبة اللي يحددها قيادة الاتحاد

يعني اهما اللي يحددون الموعد على هواهم

وبعدين يقولون انتخابات حيادية والله خوش

واللي مو فاهم شنو الفكرة من تحديد الانتخابات باول اسبوع

اشرح له ببساطة

الاتحاد اهوا المشرف من قبل عمادة الطلبة على تسجيل المستجدين قبل الدوام

معناته ان الاتحاد اهو اللي يساعدهم

وبعدين باول اسبوع يسوي انتخاباته

عشان ما يعطي المستجدين فرصة يسمعون من القوائم الثانية

وطبعا الفوز يكون حليفهم

لا وغير جذيه بعد

ازيدكم من الشعر بيت

قيادة الاتحاد اهيا الجهة نفسها اللي تشرف على انتخابات الاتحاد

يعني اهيا تعلن الفايز واهيا اللي تاخذ صناديق التصويت

وطبعا قيادة الاتحاد بيد الاخوان من سنين

والذمة عندهم انتوا عارفين بعد ماله داعي اشرح

و سئلوهم عن تزوير سنة 2000 لما المستقلة فازت بخمس كليات ومع هذا الاخوان فازوا بالاتحاد

قبل سنة بالضبط قلت ودعيت القوائم المو دينية ان يتبنون تأجيل انتخابات الاتحاد الى الفصل الدراسي الثاني

وتحديدا بمايو

عشان المستجدين واهما العنصر الرئيسي باصوات الاخوان ياخذون فرصتهم في التعرف على القوائم

لكن طبعا قيادتنا الطلابية كل واحد يقول انا بطل الكوكب

ويبي يفوز وينتصر ويتسجل الانجاز باسمه

فلا يطولون لا عنب بغداد ولا بلح القاهرة

يوم 12 اكتوبر راح نشوف انتصار جديد للاتحاد بقيادة الاخوان والسلف ونشوف قوائم مثل المستقلة والوسط تتوعد بالفوز بالموسم الياي

ولا طبنا ولا غدا الشر

ما اقول الا مبروك للاتحاد بقيادة الخونة

وهاردلك لمدعي حب الوطن فوق المصالح

سؤال عن خاطري بس يا ليت القوائم تسئله للاتحاد بقيادة الخونة

شنو موقفهم من المصفاة الرابعة؟؟؟؟

اتحداهم يردون على هالسؤال

شفت موضوع الوطن اليوم بعنوان عندما غرّز الصقر

وطبعا حاطين صور بطل خمر وكرتون خمر يم موقع التغريزة في ايحاء واضح ان حسينو يشرب تتن

بعدين فكرت ارد على هالسالفة ولا لأ

لكن يتني فكرة اقنعتني بعدم الرد على هالسخافات

والفكرة اللي يتني تقول

رئيس تحريرهم لحد الآن مو معروف الجنس يعني ريّال ويلبس تاج ويقول هو يا حافظ

واشهر كتابهم واحد ما يطوف عيد ميلاد حق دينا وكتاباته عن مبيعات فيكتوريا سيكريت

وثاني اشهر كتابهم عنده شقة مشبوهة ببنيدالقار

وقناتهم تعرض عذاب القبر مع الشيخ المسلم نبيل العوضي وبالليل تحط مريام فارس ترقص بتو الليل

شينرد عليهم هذولي؟؟

يالله الى اللقاء

واكررها للقوائم خلكم على عماكم